Заказ
бiлетаў:

  • +375 (176) 55-55-55 — гарадскi
  • +375 (29) 175-27-84 — вэлком
  • +375 (29) 853-27-84 — мтс
kvitki.by

7360

iнфармацыя
i заказ бiлетаў

Пра фестываль

«Маладзечна» – 1998

“МАЛАДЗЕЧНА – 1998”

 

         Тры фестывальныя дні, тры жанры – эстрадная песня, народная і рок-музыка, аб’яднаныя беларускім словам, што гучала падчас V Рэспубліканскага фестывалю беларускай песні і паэзіі “Маладзечна – 1998”.

         Праграма кожнага фестывальнага дня інтрыгавала сваёй задумай. У першы дзень прайшоў конкурс маладых выканаўцаў. Многія ўдзельнікі конкурсу былі вядомымі па розных песенных святах: “Зорная ростань”, “Усе мы родам з дзяцінства”, “Тэлебом”. Лідэры конкурсу вызначыліся адразу. Гран-пры атрымала салістка ансамбля “Верасы” і Дзяржаўнага маладзёжнага тэатра эстрады, вучаніца Васіля Раінчыка Вікторыя Алешка. Першае месца па выніках конкурсу заняў Аляксандр Звяровіч. Усе лаўрэаты атрымалі каштоўныя падарункі, пераважна аўдыётэхніку.

         Другі дзень вызначыўся адметнасцю – на адной сцэне, у адным канцэрце выступілі Нацынальны акадэмічны народны хор Рэспублікі Беларусь імя Г.І. Цітовіча і вядомыя беларускія рок-гурты: “Тарнада”, “Крыві”, “Палац”, “Крама” і інш.

Увесь фестываль прайшоў пад дэвізам “жывы гук” – артыстам акампаніраваў Нацыянальны акадэмічны канцэртны аркестр Беларусі пад кіраўніцтвам М.Я. Фінберга.

         Таццяна Якушава ў сваім артыкуле пра фестываль “Маладзечна – 98” падзялілася думкай наконт таго, што хацелася б, каб фестываль адкрываў новыя імёны не толькі выканаўцаў, але і кампазітараў, паэтаў, каб гучалі ў асноўным новыя песні, якія б не толькі адпавядалі духу часу, але і апярэджвалі яго. І каб сам конкурс быў добрым і прэстыжным стартам для яго ўдзельнікаў на шляху прафесійнага стаўлення.