Заказ
бiлетаў:

  • +375 (176) 55-55-55 — гарадскi
  • +375 (29) 175-27-84 — А1
kvitki.by

7360

iнфармацыя
i заказ бiлетаў

Пра фестываль

«Маладзечна» – 2003

20 – 21 чэрвеня 2003

Галоўная пляцоўка: Цэнтральная плошча горада Маладзечна.

Галоўная падзея: Міністэрства культуры заснавала прыз імя Уладзіміра Мулявіна за папулярызацыю беларускай песні, 10-годдзе фестывалю.

    Пралогам юбілейнага фестывалю сталі словы з верша беларускага паэта Уладзіміра Жылкі “Беларусь, на цябе я малюся!”. Тады ўпершыню ў фестывалі прынялі ўдзел госці з Расіі.

     У канцэрце-адкрыцці буйны блок праграмы быў прысвечаны творчасці Уладзіміра Мулявіна, частка канцэртнай праграмы звязана з паэзіяй Янкі Купалы і Якуба Коласа.

     У Палацы культуры адбылося “Прысвячэнне М.К.Агінскаму” з удзелам сімфанічнага аркестра Маладзечанскага музычнага вучылішча імя М.К.Агінскага пад кіраўніцтвам заслужанага дзеяча мастацтваў Рэспублікі Беларусь Рыгора Сарокі.

     Папулярнасцю ў моладзі карыстаўся начны канцэрт, які пачынаўся а палове 1-й і працягваўся як мінімум да 3-х гадзін ночы, і праходзіў пад адкрытым небам.

   У 2001 годзе Міністэрства культуры заснавала прыз імя Уладзіміра Мулявіна за папулярызацыю беларускай песні. І ўпершыню ён быў уручаны на адкрыцці Нацыянальнага фестывалю ў Маладзечне. “Крышталёвую гітару” атрымаў не хтосьці адзін, а цэлы калектыў – Дзяржаўны канцэртны аркестр Беларусі.

      Пераможцамі конкурсу маладых выканаўцаў эстраднай песні сталі саліст Дзяржаўнага канцэртнага аркестра Уладзімір Аўчароў, які заняў першае месца, другое месца раздзялілі Максім Сапацькоў і Руслан Аляхно.

    У рамках правядзення фестывалю быў абвешчаны гарадскі дзіцячы конкурс выяўленчага і дэкаратыўна-прыкладнога мастацтва “Беларусь – мая песня”, які быў прысвечаны 10-годдзю фестываля. Таксама пры дапамозе Маладзечанскага гарвыканкама быў наладжаны гарадскі конкурс выканаўцаў эстраднай песні “Сузор’е талентаў”.

     Адметна, што прыкладна праз два тыдні пасля правядзення “Маладзечна – 2003”, у горадзе было запланавана так званае “рэха фестывалю” – канцэртная праграма, у якой прынялі ўдзел лепшыя калектывы і выканаўцы Маладзечна, раёна, запрошаныя артысты.

     Заслугоўвае ўвагі і такі момант, як змест афіш, падрыхтаваных да мерапрыемства: акрамя праграмы фестываля, на іх былі змешчаны спісы аўтараў усіх песень, якія былі заяўлены ў той ці іншай канцэртнай праграме.