Заказ
бiлетаў:

  • +375 (176) 55-55-55 — гарадскi
  • +375 (29) 175-27-84 — А1
kvitki.by

7360

iнфармацыя
i заказ бiлетаў

Пра фестываль

"Маладзечна - 2017"

2 – 3 чэрвеня 2017

Галоўная пляцоўка: летні Амфітэатр.

Галоўная падзея: фестываль, прысвечаны135-годдзю з дня нараджэння народных паэтаў Беларусі Янкі Купалы і Якуба Коласа.

          У першы дзень госці фестывалю змаглі атрымаць асалоду ад музычных выступаў вакалістаў беларускай эстраднай песні, якія прынялі ўдзел у II і III турах рэспубліканскага этапу Нацыянальнага конкурсу маладых выканаўцаў. Музычныя спаборніцтвы прайшлі ў суправаджэнні Заслужанага калектыву Рэспублікі Беларусь “Нацыянальны акадэмічны канцэртны аркестр Беларусі”. Пачынаючыя артысты прадставілі ўсе вобласці краіны і горад Мінск.

          Вечарам Палац культуры запрасіў усіх на спектакль “Паўлінка” Нацыянальнага акадэмічнага тэатра імя Янкі Купалы, які за сваю дзейнасць можа пахваліцца найлепшымі дасягненнямі айчыннага тэатральнага мастацтва. Дарэчы, на маладзечанскай сцэне “Паўлінка” была прадстаулена ўпершыню.

        ​ Урачыстае адкрыццё фестывалю прайшло на сцэне Летняга амфітэатра. Жыхары і госці Маладзечна пабачылі прэм’еру канцэрта, прысвечанага 135-годдзю з дня нараджэння народных паэтаў Беларусі Я. Купалы, Я. Коласа. Асаблівым момантам адкрыцця стала цырымонія ўзнагароджання лаўрэатаў Нацыянальнага конкурсу маладых выканаўцаў беларускай эстраднай песні. Уладальніцай Гран-пры і прыза імя У.Мулявіна стала  Вольга Булай.

         Другі дзень – 3 чэрвеня – пачаўся з канцэрта акадэмічнай музыкі “Зямля бацькоў, зямля святая”, які прадставілі творчыя калектывы Заслужанага калектыву “Нацыянальны акадэмічны канцэртны аркестр Беларусі”.

         Мінскі абласны краязнаўчы музей прадставіў экспазіцыю “Родныя вобразы”, дзе можна было ўбачыць асабістыя рэчы беларускіх паэтаў Я. Купалы і Я. Коласа з уласнага фонду ўстановы, а таксама з фондаў Дзяржаўнага літаратурнага музея імя Я. Купалы і Дзяржаўнага літаратурна-мемарыяльнага музея імя Я.Коласа.

         Насычаная фестывальная праграма задаволіла густы гасцей розных напрамкаў творчасці. Радасць сустрэч з вядомымі паэтамі падарыла паэтычная гасцёўня “Красуй, Беларусь”. У прыхільнікаў паэзіі выклікаў цікавась “адкрыты мікрафон” на паэтычнай пляцоўцы на плошчы ля Палаца культуры. Любы ахвочы змог выступіць з творамі беларускіх паэтаў.

        Таксама можна было наведацца на маладзёжную пляцоўку “Арт-Старт” на Цэнтральнай плошчы. Музычнае відовішча было прадстаўлена рознымі маладзёжнымі групамі, якія ахапілі самые разнастайныя жанры: рэп, бітбокс, рок. Прадстаўнікі маладога пакалення змаглі адкрыта рэалізаваць самыя смелые творчыя праекты.

        У канцэртнай зале Палаца культуры адбыўся фінал VІІ Адкрытага конкурсу юных выканаўцаў эстраднай песні “Маладзічок – 2017”, кульмінцыяй якога стаў ўручэнне Гран-пры. Таксама ўдзел у гала-канцэрце “Маладзічок” запальвае зоркі” прынялі ўдзел пераможцы і лаўрэаты конкурсу розных гадоў.

         Фестываль ахапіў не толькі горад Маладзечна, але і бліжэйшы рэгіён. Напрыклад, дзейнічала сцэнічная пляцоўка ў Чысцінскім сельскім Доме культуры. Там адбыўся канцэрт беларускай эстраднай песні “Усё, што мы ў музыцы – у сэрцы тое ж!” у выкананні Заслужанага калектыву Рэспублікі Беларусь “Нацыянальны акадэмічны канцэртны аркестр Беларусі” пад кіраўніцтвам Міхаіла Фінберга.

        Фінальным акордам ХVІI Нацыянальнага фестывалю беларускай песні і паэзіі стаў канцэрт-закрыццё, прысвечаны 45-годдзю Заслужанага калектыву Рэспублікі Беларусь ансамбля “Сябры”, які прайшоў на галоўнай пляцоўцы музычнага свята – у Летнім амфітэатры.