10 - 11 чэрвеня 2022
Запрашаем жыхароў і гасцей фестывалю наведаць экспазіцыю “ПАРТАЛ ЧАСУ. Міншчына: гісторыя і сучаснасць” да Года гістарычнай памяці, прадстаўленую рэгіёнамі Мінскай вобласці.
Канцэпцыя экспазіцыі – прадстаўленне вех гісторыі Міншчыны праз паказ канкрэтных гістарычных падзей.
Міншчына вядомая ў Беларусі і за яе межамі сваёй неацэннай гісторыка-культурнай спадчынай, унікальнымі творамі мастацтва. З яе гісторыяй звязаны імёны шматлікіх знакамітых дзеячаў культуры і мастацтва – асветніка і гуманіста С. Буднага, кампазітараў С. Манюшкі, М. Агінскага, майстроў паэтычнага слова Я. Купалы, Я. Коласа, М. Танка і іншых.
Госці свята могуць здзейсніць своеасаблівае “падарожжа ў часе” ад старажытнасці да сучаснасці.
10 чэрвеня 2022
Выстава “Памяць пакаленняў” да Года гістарычнай памяці Беларускага саюза мастакоў
У мэтах фарміравання аб’ектыўных адносін грамадства да гістарычнага мінулага, захавання і ўмацавання адзінства беларускага народа ў выставачным фае Палаца культуры пройдзе выстава “Памяць пакаленняў” да Года гістарычнай памяці беларускіх жывапісцаў ГА “Беларускі саюз мастакоў”.
У экспазіцыі можна будзе пазнаёміцца з работамі ветэранаў, класікаў беларускага мастацтва з калекцыі Беларускага саюза мастакоў. Кожны іх твор – пранізлівы аўтарскі погляд на мінулае, аб’яднаны вялікай любоўю да сваёй краіны і свайго народа. У эпічных жывапісных палотнах паказаны краявіды, партрэты, інтэрпрэтызацыя вобразаў і значных падзей беларускай гісторыі.
Пачатак мерапрыемства ў 10.00.
ІІ і ІІІ тур рэспубліканскага этапу Нацыянальнага конкурсу маладых выканаўцаў беларускай эстраднай песні
З першага фестывалю адной з галоўных падзей праграмы традыцыйна застаецца Нацыянальны конкурс маладых выканаўцаў беларускай эстраднай песні. Нязменнымі з’яўляюцца і яго мэты: далучэнне да нацыянальных каштоўнасцей беларускай культуры, прапаганда роднай мовы і папулярызацыя твораў беларускіх кампазітараў і паэтаў, раскрыццё і падтрымка маладых талентаў.
У конкурсе прымаюць удзел маладыя спевакі, якія прафесійна займаюцца вакалам з ранніх гадоў, амаль усе маюць музычную адукацыю, яны з’яўляюцца актыўнымі ўдзельнікамі абласных, раённых і гарадскіх канцэртных праграм, дабрачынных мерапрыемстваў, лаўрэатамі як міжнародных, так і рэспубліканскіх конкурсаў і фестываляў.
Лепшы з канкурсантаў становіцца ўладальнікам Гран-пры – прыза імя Уладзіміра Мулявіна. За права атрымаць запаветную ўзнагароду будуць змагацца 21 удзельнік з 6 абласцей і горада Мінска. Да ўдзелу ў конкурсе дапускаюцца маладыя выканаўцы, якія пастаянна пражываюць на тэрыторыі Рэспублікі Беларусь, ва ўзросце ад 16 да 31 года.
Сустрэча з маладымі артыстамі адбудзецца ў 10.30 і 14.00 (канцэртная зала Палаца культуры).
Спектакль “Нельга нам без сябра” Мінскага абласнога драматычнага тэатра
У Мінскім абласным драматычным тэатрыпройдземузычная казка-жарт “Нельга нам без сябра” па п’есе Сяргея Казлова (пераклад – Юрый Кулік, кампазітар – Алег Елісеенкаў).
Ніхто ў вёсцы не можа паверыць, што існуе парася, якое спявае. Больш таго, таленавітаму падсвінку пагражае невясёлая перспектыва ператварыцца ў пачастунак да святочнага стала ў гонар яго гаспадыні – Дар’і Іванаўны. Але наш герой зусім не з такіх, хто паддаецца злому лёсу! Ён уцякае ў лес, дзе сустракае вернага сябра – Зайца. Сяброўства дапамагае перамагчы злога Ваўка, пераадолець перашкоды і пераканаць усіх прызнаць цудоўны талент Парася-спевака!
Пачатак мерапрыемства ў 11.00.
Выстава “Песняры роднага краю”
У 2022 годзе ў Беларусі ўрачыста адзначаецца 140-годдзе славутых паэтаў-класікаў беларускай літаратуры Янкі Купалы і Якуба Коласа, якія ўнеслі значны ўклад у развіццё нацыянальнай культуры беларусаў і пакінулі пасля сябе неўміручую спадчыну, адлюстраваную ў іх самабытных творах: паэмах, вершах, апавяданнях і літаратурных казках.
З гэтай нагоды ў Мінскім абласным краязнаўчым музее пройдзе выстава “Песняры роднага краю”, падрыхтаваная сумесна з Дзяржаўнымі літаратурнымі музеямі Янкі Купалы і Якуба Коласа.
Пачатак мерапрыемства ў 11.15.
Выстава “Дрэва жыцця” Маладзечанскага музычнага каледжа імя М.К.Агінскага
Маладзечанская школа выцінанкі – элемент гісторыка-культурнай каштоўнасці Беларусі ў Мінскім абласным краязнаўчым музее прадставіць выставу “Дрэва жыцця”.
На базе Маладзечанскага дзяржаўнага музычнага каледжаімя М.К.Агінскага ў 1995 годзе зарадзілася адзіная сучасная школа гэтага віду дэкаратыўна-прыкладнога мастацтва ў нашай краіне.
Маладзечанскіх майстроў заўсёды адрознівала веданне асноў дэкаратыўнай кампазіцыі, сёння яны развіваюць і ўдасканальваюць свае ўменні. За гэты час у маладзечанскай выцінанцы склаўся свой шэраг тыповых сюжэтаў. Найбольш папулярныя з іх – святы народнага календара, персанажы беларускай міфалогіі, архітыпічныя вобразы традыцыйнага мастацтва, народныя касцюмы беларусаў, вобразы архітэктуры ў выцінанцы, традыцыйныя кветкавыя і дывановыя кампазіцыі і г.д. Толькі абапіраючыся на духоўныя традыцыі свайго народа, можна стварыць сапраўды нацыянальныя работы.
Пачатак мерапрыемства ў 11.15.
Прэзентацыя дакументальнага фільма “Імправізацыя”, прысвечанага памяці народнага артыста Беларусі Міхаіла Фінберга
У кінатэатры “Радзіма” адбудзецца прэзентацыя дакументальнага фільма “Імправізацыя”, прысвечанагапамяці народнага артыста Беларусі Міхаіла Фінберга.
Уклад Міхаіла Якаўлевіча ў папулярызацыю беларускай музыкі і паэзіі складана пераацаніць: маэстра быў ідэйным натхняльнікам Нацыянальнага фестывалю беларускай песні і паэзіі “Маладзечна”, з’яўляўся музычным кіраўніком і членам аргкамітэта Міжнароднага фестывалю мастацтваў “Славянскі базар у Віцебску”, галоўным дырыжорам Міжнароднага конкурсу выканаўцаў эстраднай песні “Віцебск”, ініцыяваў мноства праектаў, накіраваных на развіццё айчыннай музычнай культуры.
Таксама адбудзецца творчая прэзентацыя выставы “Заўсёды з вамі. Міхаіл Фінберг”, прысвечанай 75-годдзю з дня нараджэння народнага артыста Беларусі.
Пачатак мерапрыемства ў 12.00.
Спектакль “Залатая табакерка” Мінскага абласнога тэатра лялек “Батлейка”
У Мінскім абласным тэатры лялек “Батлейка” пройдзе спектакль “Залатая табакерка” па п’есе аўтара і рэжысёра Алёны Плютавай.
Даўным-даўно жыў у адной вёсцы хлопец Янка. І не было ў яго ні маці, ні бацькі, толькі кот. Цяжка жылося яму на белым свеце. Але аднойчы дзед падарыў Янку залатую табакерку...
Пачатак мерапрыемства ў 12.00.
Праект “Асоба эпохі”– творчая сустрэча з народным артыстам Беларусі Леанідам Захлеўным
Душэўны і цікавы праект “Асоба эпохі” арганізуе ў гэтым годзе творчую сустрэчу з беларускім кампазітарам, народным артыстам Беларусі Леанідам Канстанцінавічам Захлеўным.
Ён з’яўляецца аўтарам эстраднай, камернай, сімфанічнай і харавой музыкі. Творчасці маэстра ўласцівыя яркі меладызм, спалучэнне нацыянальнай характэрнасці і сучасных сродкаў музычнай выразнасці. Сярод найбольш вядомых твораў – кантаты “Вянок” і “Муха-цакатуха”, сімфоніі, рамансы і вакальныя цыклы на словы Максіма Багдановіча і Уладзіміра Карызны, а таксама харавыя і песенныя цыклы. Сёння яго творы спяваюць салісты беларускага опернага тэатра Алена Сало, Уладзімір Пятроў, эстрадныя артысты Ірына Дарафеева, Якаў Навуменка і ансамбль “Сябры”. Леанід Захлеўны з’яўляецца мастацкім кіраўніком заслужанага калектыву Рэспублікі Беларусь ансамбля народнай музыкі “Бяседа”.
Пачатак мерапрыемства ў 15.00.
Канцэртная праграма “Мой край – мая песня” творчых калектываў Маладзечанскага раёна
На Цэнтральнай плошчы горада пройдзе канцэрт “Мой край – мая песня” творчых калектываў Маладзечанскага раёна.
Маладзечанская зямля багатая на таленты, бо крыніца творчасці калектываў бярэ свае вытокі ад любові да малой радзімы, да родных краявідаў, ад бяздонных крыніц і рэк, ад спеўнага шуму лясоў і шчырай народнай песні.
Сваеасаблівыя, яркія ансамблі, сольныя выканаўцы парадуюць жыхароў і гасцей фестывальнага Маладзечна творчай праграмай.
Пачатак мерапрыемства ў 15.00.
Спектакль “Тыграня Петрык” Мінскага абласнога тэатра лялек “Батлейка”
У Мінскім абласным тэатры лялек “Батлейка” пройдзе спектакль “Тыграня Петрык” па п’есе Ханны Янушэўскай.
У музыкальнай казцы вы пазнаёміцеся з пацешным тыгранём Петрыкам, які ўсяго баяўся. За гэта Галоўны Тыгр адабраў у яго чорныя палоскі – сімвал мужнасці ўсяга тыгрынага сямейства. Петрык вырашыў шукаць адвагу, але так і не знайшоў бы, каб не бяда – хвароба Маці.
Пачатак мерапрыемства ў 16.00.
Канцэртны праект “Маладыя галасы Беларусі”
Канцэртная зала Палаца культуры запрашае на грандыёзны праект “Маладыя галасы Беларусі” з удзелам лаўрэатаў міжнародных конкурсаў, салістаў Вялікага тэатра оперы і балета Рэспублікі Беларусь, Беларускага дзяржаўнага акадэмічнага музычнага тэатра, Беларускай дзяржаўнай акадэміі музыкі. Канцэртная праграма пройдзе ў суправаджэнні Заслужанага аматарскага калектыву Рэспублікі Беларусь сімфанічнага аркестра Маладзечанскага музычнага каледжа імя М.К.Агінскага.
Мастацкі кіраўнік і галоўны дырыжор, заслужаны дзеяч культуры Рэспублікі Беларусь – Рыгор Сарока.
Пачатак мерапрыемства ў 17.00.
Даведкі і заказ білетаў на сайце kvitki.by і па тэл.: 8 (0176) 555-555, 8 (029) 175-27-84, 8(029) 346-45-30.
Спектакль “Сёстры Дастаеўскія” Мінскага абласнога драматычнага тэатра
Прыемныя навіны для тых, хто захапляецца тэатрам. Увазе гледачоў будзе прадстаўлен спектакль “Сёстры Дастаеўскія” па п’есе драматурга, беларускага пісьменніка Ягора Конева.
На сцэне Мінскага абласнога драматычнага тэатра разгорнецца гістарычны дэтэктыў, заснаваны на рэальных падзеях, якія адбыліся ў пачатку 17 стагоддзя ў Мінскім павеце. У гэтай гісторыі з нечаканымі сюжэтнымі паваротамі злучыліся злачынства і пакаранне, непрадказальны для гледача пошук ісціны і цікавы факт, згодна з якім мог загінуць род Дастаеўскіх, які падарыў свету знакамітага пісьменніка Фёдара Міхайлавіча Дастаеўскага!
Пачатак мерапрыемства ў 18.00.
Творчы праект “Мелодыя сэрца”
Высокае мастацтва імправізацыі, запальныя рытмы, рэдкае пачуццё ансамбля чакае Вас у творчым праекце “Мелодыя сэрца”. Гэта сумесны праект таленавітай моладзі дзяржаўных устаноў Мінскай вобласці: Мінскага дзяржаўнага каледжа мастацтваў і Маладзечанскага музычнага каледжа імя М.К.Агінскага.
Лепшыя айчынныя творы беларускіх кампазітараў прагучаць у суправаджэнні эстраднага аркестра “Бай-блюз” Маладзечанскага музычнага каледжа імя М.К.Агінскага на Цэнтральнай плошчы горада.
Кіраўнік – Дзмітрый Арцямёнак
Багатая палітра айчыннай музыкі дазволіць шырока праявіць сябе маладым артыстам, акунуцца ў разнастайнасць стылістычных напрамкаў, вобразаў і тэм. Гледачы змогуць атрымаць асалоду ад новых інтэрпрэтацый добра вядомых мелодый і пазнаёміцца з новымі сачыненнямі эстрадна-джазавай музыкі беларускіх кампазітараў.
Пачатак мерапрыемства ў 19.00.
Урачыстае адкрыццё ХХI Нацыянальнага фестывалю беларускай песні і паэзіі “МАЛАДЗЕЧНА – 2022”
Канцэртная праграма “ХХІ – адлік новага часу. Пачатак”
Урачыстае адкрыццё песенна-музычнага форуму адбудзецца на сцэне летняга Амфітэатра. Жыхары і госці Маладзечна змогуць пабачыць прэм’еру канцэрта “ХХІ – адлік новага часу. Пачатак” у выкананні Заслужанага калектыву Рэспублікі Беларусь “Нацыянальны акадэмічны канцэртны аркестр Беларусі”.
Мастацкі кіраўнік – Максім Расоха.
У канцэрце прымуць удзел: народны артыст Беларусі Мікалай Скорыкаў, заслужаныя артысты Рэспублікі Беларусь Вікторыя Алешка, Ірына Дарафеева, Наталля Тамэла, Дзмітрый Качароўскі, Беларускі дзяржаўны ансамбль “Песняры”, лаўрэаты Нацыянальнага конкурсу маладых выканаўцаў беларускай эстраднай песні і іншыя.
Падчас канцэрта адбудзецца ўрачыстая цырымонія ўзнагароджвання лаўрэатаў Нацыянальнага конкурсу маладых выканаўцаў беларускай эстраднай песні “Маладзечна – 2022”.
Пачатак мерапрыемства ў 21.00.
Даведкі і заказ білетаў на сайце kvitki.by і па тэл.: 8 (0176) 555-555, 8 (029) 175-27-84, 8(029) 346-45-30.
11 чэрвеня 2022
Паэтычныя чытанні “Люблю цябе, мой родны край”
У Купалаўскім мемарыяльным запаведніку “Вязынка” прайдуць паэтычныя чытанні “Люблю цябе, мой родны край” з удзелам паэтаў, членаў грамадскага аб’яднання “Саюз пісьменнікаў Беларусі”.
На паэтычных чытаннях прагучаць вершы класікаў беларускай літаратуры і сучасных аўтараў.
На сустрэчу з аматарамі беларускай паэзіі завітаюць выдатныя беларускія мастакі слова.
Пачатак мерапрыемства ў 10.00.
Канцэрт акадэмічнай музыкі “Беларускія музычныя скарбы: другое нараджэнне”
Заслужаны калектыў “Нацыянальны акадэмічны канцэртны аркестр Беларусі” падрыхтаваў прэм’еру канцэрта “Беларускія музычныя скарбы: другое нараджэнне” у выкананні струннага аркестра.
Канцэрт выканаўцаў на струнных смычковых інструментах – музычны кругасвет талентаў: майстроў і пачаткоўцаў.
Артысты аркестра з вялікім хваляваннем чакаюць сустрэчы з аматарамі музыкі ў канцэртнай зале Маладзечанскай дзіцячай школы мастацтваў.
Мастацкі кіраўнік – Максім Расоха.
Пачатак мерапрыемства ў 10.30.
“МУЗЫЧНЫ АЛІМП” – уручэнне ўзнагарод Беларускага саюза кампазітараў
ГА “Беларускі саюз кампазітараў” прадстаўляе праект “МУЗЫЧНЫ АЛІМП” – уручэнне ўзнагарод за захаванне нацыянальных песенных традыцый, стварэнне высокамастацкіх твораў і беларускіх хітоў.
Унікальны праект – спосаб выказаць сваю павагу і прызнанне кампазітарам Беларусі. Гэта новы рух, новае дыханне. Унікальнае месца творчай сілы, дзе людзі натхняюцца і ствараюць.
Удзельнікамі мерапрыемства стануць кампазітары-намінанты і артысты Рэспублікі Беларусь: народныя артысты Васіль Раінчык, Леанід Захлеўны, Эдуард Ханок, заслужаныя артысты Жанет, Алена Сало, Уладзімір Ткачэнка, заслужаны дзеяч мастацтваў Алег Елісеенкаў, заслужаны калектыў Рэспублікі Беларусь сімфанічны аркестр музычнага каледжа імя М.К.Агінскага, кампазітар Дзмітрый Далгалёў, ансамбль “Верасы”, канцэртны хор “Concertino” і іншыя.
Мастацкі кіраўнік праекта – старшыня Беларускага саюза кампазітараў Алена Атрашкевіч.
Пачатак у 11.00.
Даведкі і заказ білетаў на сайце kvitki.by і па тэл.: 8 (0176) 555-555, 8 (029) 175-27-84, 8(029) 346-45-30.
Спектакль “Сцеражыся, Леапольд!” Мінскага абласнога драматычнага тэатра
Казка-гульня па матывах п’есы Аркадзя Хайта “Сцеражыся, Леапольд!” адбудзецца ў Мінскім абласным драматычным тэатры.
Як і знакаміты мультфільм “Прыгоды Ката Леапольда”, гэты спектакль працяты ідэяй усеагульнага сяброўства: “хлопчыкі і дзяўчынкі, давайце жыць дружна!”. Падчас дзействаў у “сяброўскі круг” уцягваюцца юныя гледачы, якія знаёмяцца з героямі і нават ствараюць дэкарацыі на сцэне. А ўжо другая частка спектакля расказвае непасрэдна аб адносінах мышэй і ката Леапольда, якія ў фінале пасля смешных канфліктаў і прыгод усё ж мірацца.
Пачатак мерапрыемства ў 11.00.
Канцэртная праграма “Мелодыя маёй краіны” творчых калектываў Маладзечанскага раёна
На Цэнтральнай плошчы горада пройдзе канцэрт “Мелодыя маёй краіны” творчых калектываў Маладзечанскага раёна.
Шчырыя, энергічныя, таленавітыя калектывы і выканаўцы святочнага мерапрыемства прадставяць мастацкую творчасць Маладзечанскага краю.
У канцэртнай праграме прагучаць песні пра Радзіму, пра сям’ю, пра маладосць, прысвечаныя Году гістарычнай памяці.
Пачатак мерапрыемства ў 12.00.
Прэзентацыя Рэспубліканскага мастацка-патрыятычнага праекта “Бачу Беларусь такой”
Галерэя цэнтральнай раённай бібліятэкі імя М.Багдановіча запрашае на прэзентацыю Рэспубліканскага мастацка-патрыятычнага праекта “Бачу Беларусь такой” і фотапаэтычных кніг “Зачараваны Беларуссю”, “Бачу Беларусь такой”, “Мая Радзіма” і “Навасады: малая Радзіма”.
У кнігах сабраны творы сучасных беларускіх паэтаў і празаікаў, а таксама фотаілюстрацыі Уладзіслава Цыдзіка. Фотаработы – гэта своеасаблівае прызнанне майстра ў любові да роднай зямлі. У аб’ектыве аўтара – фігуры і асобы, прырода і розныя аб’екты, якія істотна дапамагаюць прадставіць нашу краіну ва ўсіх колерах і фарбах. Дарэчы, у кнізе «Бачу Беларусь такой» Уладзіслаў Цыдзік разам з 65-цю беларускімі сучаснымі паэтамі выказвае свае шчырыя пачуцці да роднай зямлі.
Пачатак мерапрыемства ў 13.00.
Канцэрт майстроў мастацтва “Музыка беларускіх кампазiтараў – пакаленню ХХI стагоддзя”
У касцёле Святога Юзафа пройдзе канцэрт майстроў мастацтва “Музыка беларускіх кампазiтараў – пакаленню ХХI стагоддзя”. У канцэртнай праграме прымуць удзел народныя артысты Рэспублікі Беларусь Анастасія Масквіна, Ніна Шарубіна, Уладзімір Громаў, лаўрэат міжнародных конкурсаў Дзмітрый Шабеця, харавы ансамбль “Concertino” Беларускага саюза кампазітараў, струнны ансамбль “Амелія” Маладзечанскага музычнага каледжа імя М.К.Агінскага.
Вакалісты прадставяць канцэрт беларускай харавой музыкі, прэм’еры новых твораў і добра вядомыя, якія сталі сапраўды “народнымі”, творы беларускіх кампазітараў-класікаў.
Пачатак мерапрыемства ў 13.30.
Творчая сустрэча з аўтарскай групай праекта “Наперад у мінулае” з нагоды 10-годдзя праекта
Зала ўрачыстасцяў Палаца культуры запрашае на творчую сустрэчу з аўтарскай групай праекта “Наперад у мінулае” з нагоды 10-годдзя праекта.
Упершыню тэлепраект выйшаў у эфір на Каляды, 7 студзеня 2012 года. За час існавання праекта творчая група ў кампаніі з беларускімі зоркамі эстрады праехала ўсю краіну. Па ўмовах праекта, носьбіты аўтэнтычнай культуры выконваюць шэраг песень – народных кампазіцый. А напрыканцы кожнай праграмы ўвазе гледачоў прадстаўляецца новая версія народнай песні ў сучаснай аранжыроўцы, якую выконваюць вядомыя беларускія артысты. Новая апрацоўка старажытнай песні надае другое жыццё фальклорнай спадчыне, папулярызуючы яе сярод моладзі.
Больш за 250 гуртоў і выканаўцаў – ад пачынаючых да заслужаных і народных – прынялі ўдзел у “музычным адраджэнні”. Сёлета, падчас фестывалю, убачыць свет 500-я народная песня ў сучаснай апрацоўцы.
Таксама госці фестывальнага Маладзечна змогуць наведаць выставу фотаздымкаў аўтараў праекта “Жывая спадчына”. Работы зроблены падчас здымак праграмы аб унікальных звычаях, што ўвайшлі у спіс нематэрыяльных гісторыка-культурных каштоўнасцяў Беларусі. Ствараючы жывую відэаэнцыклапедыю, творчая каманда “Беларусь 3” ужо праехала дзясяткі тысяч кіламетраў па нашай краіне, наведала сотні вёсак і гарадоў, запісала безліч інтэрв’ю з носьбітамі і захавальнікамі народных традыцый.
Пачатак мерапрыемства ў 14.00.
Музычна-паэтычная гасцёўня “Паэтычная спадчына – нашчадкам запавет”
Аматараў літаратурнага і музычнага мастацтва запрашаем на сустрэчу з вядомымі паэтамі, кампазітарамі, дзеячамі культуры Беларусі.
У малай зале Палаца культуры адбудзецца музычна-паэтычная гасцёўня “Паэтычная спадчына – нашчадкам запавет”.Падчас імпрэзы адбудзецца сустрэча з фіналістамі Рэспубліканскага паэтычнага конкурсу памяці лаўрэата Дзяржаўнай прэміі Рэспублікі Беларусь паэта Міколы Мятіцкага “Сваю душэўную спагаду святлом Айчыны запалі”. Хто, як ні паэты, дзеячы культуры і мастацтва, могуць пранікнёна звярнуцца да роднай старонкі, уславіць наш родны беларускі край. Не прапусціце магчымасць пабываць там, дзе валадарыць Творчасць.
Пачатак мерапрыемства ў 15.00.
Творчы праект “Сустрэча ля раяля. Беларускі раманс”
Канцэртная зала Маладзечанскага музычнага каледжа імя М.К.Агінскага і Беларускі саюз кампазітараў запрашаюць наведаць творчы праект “Сустрэча ля раяля. Беларускі раманс”.
У мерапрыемстве прымуць удзел беларускія кампазітары, артысты Вялікага тэатра Беларусі: народная артыстка Беларусі Анастасія Масквіна, лаўрэат міжнародных конкурсаў Дзмітрый Шабеця ў суправаджэнні струннага ансамбля “Амелія” Маладзечанскага музычнага каледжа імя М.К.Агінскага.
Пачатак мерапрыемства ў 15.00.
Спектакль “Дядюшкин сон” Мінскага абласнога драматычнага тэатра
Мінскі абласны драматычны тэатр запрашае ўсіх аматараў тэатральнага мастацтва на спектакль “Дядюшкин сон”паводле вядомай аповесці класіка рускай літаратуры Фёдара Дастаеўскага. Маладзечанскае прачытанне інтэрпрэтуе гісторыю як камедыю нораваў. Князь К. прыязджае ў правінцыйнае мястэчка, бязлітаснае вышэйшае святло якое жыве плёткамі і пошукам выгады. Свецкая дама Мар’я Маскалёва распрацоўвае план, як выдаць за князя дачку Зіну. Яна дамагаецца прапановы, але ў гэтай гульні прайграюць усе.
Пачатак мерапрыемства ў 15.00.
Канцэрт джазава-эстраднай музыкі “Джазавы калейдаскоп”
Нацыянальны акадэмічны канцэртны аркестр Беларусі запрашае ўсіх аматараў музыкі на канцэрт “Джазавы калейдаскоп”. Канцэртная праграма джазава-эстраднай музыкі будзе прысвечана 75-годдзю з дня нараджэння народнага артыста Беларусі, неардынарнай постаці, маэстра, які верай і праўдай служыў беларускай культуры Міхаіла Фінберга.
Жыхары і госці Чысцінскага сельскага дома культуры акунуцца ў атмасферу свята, цеплыні і пяшчоты.
Мастацкі кіраўнік – Максім Расоха.
Пачатак мерапрыемства ў 17.00.
Спектакль “Чорная Панна Нясвіжа” Нацыянальнага тэатра імя Янкі Купалы
Канцэртная зала Палаца культуры запрашае на спектакль “Чорная Панна Нясвіжа” Нацыянальнага тэатра імя Янкі Купалы.
Гэта містычная легенда аб любові ў адной дзеі Аляксея Дударава.
Вось ужо чатыры стагоддзі ў Нясвіжскім замку з’яўляецца прывід маладой жанчыны. Па легендзе гэта блукае пакутлівая душа недарэчна загубленай каханай караля Жыгімонта – Барбары Радзівіл. Відовішчны і пачуццёвы спектакль сцвярджае, што галоўнае ў жыцці – захаваць здольнасць да вялікіх пачуццяў і вялікіх учынкаў.
Пачатак мерапрыемства ў 18.00.
Даведкі і заказ білетаў на сайце kvitki.by і па тэл.: 8 (0176) 555-555, 8 (029) 175-27-84, 8(029) 346-45-30.
Спектакль “Шлях да Бэтлеему” Мінскага абласнога тэатра лялек “Батлейка”
У Мінскім абласным тэатры лялек “Батлейка” пройдзе спектакль “Шлях да Бэтлеему” – калядная надзея ў адной дзеі для дзяцей малодшага ўзросту.
Гэта незвычайная гісторыя Раства. Дзеля таго каб сустрэць Бога, галоўнаму герою прыдзецца зрабіць вельмі шмат крокаў па дарозе да Бэтлеему, крочыць упарта і не прыходзіць у адчай, нават калі падаецца, што прыйшоў у тупік. І гэту прыпавесць распавядае звычайны шэры Асёл, зусім не герой, не ваяр і не мудрэц.
Пачатак мерапрыемства ў 18.00.
Паэтычная пляцоўка “Чытаем Купалу і Коласа”
Памятаць аб мінулым – аддаваць даніну тым вялікім людзям, якія ўнеслі вялікі ўклад у развіццё краіны. Такімі па праву можна назваць нашых паэтаў і пісьменнікаў-класікаў Янку Купалу і Якуба Коласа – галоўных сімвалаў беларускай літаратуры.
На пляцоўцы ля Цэнтральнай раённай бібліятэкі імя М.Багдановіча адбудзецца паэтычная пляцоўка “Чытаем Купалу і Коласа”, прымеркаваная да 140-годдзя беларускіх Песняроў, з удзелам беларускіх паэтаў, дзеячаў культуры і мастацтва.
Пачатак мерапрыемства ў 18.30.
Гала-канцэрт закрыцця “НАСТАЛЬГІЧНЫ ДЫВЕРТЫСМЕНТ” Нацыянальнага фестывалю беларускай песні і паэзіі “Маладзечна-2022”
У летнім Амфітэатры пройдзе гала-канцэрт закрыцця ХХI Нацыянальнага фестывалю беларускай песні і паэзіі “Маладзечна – 2022” у выкананні Нацыянальнага акадэмічнага народнага аркестра Беларусі імя І.Жыновіча.
Галоўны дырыжор – заслужаны артыст Рэспублікі Беларусь Аляксандр Крамко.
Жыхары і госці горада змогуць атрымаць асалоду ад канцэрта з удзелам легендаў беларускай эстрады, артыстаў, сучасных маладых выканаўцаў. Пачуць і праспяваць любімыя хіты гледачы змогуць разам з народным артыстам Беларусі Уладзімірам Громавым, заслужанымі артыстамі Рэспублікі Беларусь Ірынай Дарафеевай, Аляксандрам Саладухай, Аленай Ланской, Уладзіславам Місевічам, заслужаным калектывам Рэспублікі Беларусь ансамблем “Сябры”, Беларускім дзяржаўным ансамблем “Песняры”, групай “Аура”, ансамблем “Чараўніцы”, пераможцам шоу “Х-Фактар. Беларусь” Андрэем Панісавым і іншымі.
Пачатак мерапрыемства ў 21.00.
Даведкі і заказ білетаў на сайце kvitki.by і па тэл.: 8 (0176) 555-555, 8 (029) 175-27-84, 8(029) 346-45-30.
