Вызначаны прадстаўнікі Мінскай вобласці Нацыянальнага конкурсу маладых выканаўцаў эстраднай песні "Маладзечна – 2022"
10.02.2022Конкурс маладых выканаўцаў эстраднай песні з'яўляецца неад'емнай часткай Нацыянальнага фестывалю беларускай песні і паэзіі "Маладзечна".
Абласны адборачны тур Нацыянальнага конкурсу маладых выканаўцаў беларускай эстраднай песні прайшоў 10 лютага ў канцэртнай зале Палаца культуры. Маладыя і таленавітыя выканаўцы прыехалі з розных куткоў Мінскай вобласці.
Падчас адборачнага этапу конкурсу ўдзельнікі выконвалі дзве песні беларускіх аўтараў на роднай мове. Перад журы стаяла няпростая задача - вызначыць прадстаўнікоў Мінскай вобласці на фестываль "Маладзечна - 2022".
Такім чынам, Мінскую вобласць прадставяць:
- Ліліана Камоцкая (УА "Мінскі дзяржаўны каледж мастацтваў");
- Кацярына Паўловіч (Смалявіцкі раён);
- Аляксандра Макольская (УА "Мінскі дзяржаўны каледж мастацтваў").
Віншуем пераможцаў і жадаем ім поспехаў!