Моладзі творчай «Узлёт»

Праграма Нацыянальнага фестывалю беларускай песні і паэзіі «Маладзечна-2024» насычана разнастайнымі падзеямі.

У калейдаскопе фестывальных дзён задзейнічана моладзь, якой даверана працягваць лепшыя нацыянальныя традыцыі.

Міністр культуры Рэспублікі Беларусь Анатоль Маркевіч, намеснік старшыні Мінаблвыканкама Аляксандр Ільясевіч, старшыня Маладзечанскага райвыканкама Павел Губко сустрэліся з юнакамі і дзяўчатамі, якія толькі пачынаюць свой шлях у прафесію.

Мадэратарам маладзёжнага форума «Узлёт» у Палацы культуры г. Маладзечна выступіла начальнік галоўнага ўпраўлення культуры Мінскага аблвыканкама Ала Шахоцька.

Асаблівую, сяброўскую атмасферу і летась адзначалі ўдзельнікі ІІ рэспубліканскага форуму маладых спецыялістаў устаноў культуры. Не кожнаму пашчасціць сустрэцца з міністрам, расказаць пра сябе, задаць хвалюючыя пытанні і далей у жыцці кіравацца аўтарытэтнай парадай.

На мінулагодняй сустрэчы ў цэнтры ўвагі былі пытанні кадравага забеспячэння, замацаванасці маладых спецыялістаў у галіне культуры.

Якія тэмы ўзнімаліся на гэты раз – чытайце ў адным з бліжэйшых нумароў «Маладзечанскай газеты». 

Людміла ЦАР

Фота: Аляксей ПЛАТКО