Палажэнне

 

Палажэнне аб Нацыянальным фестывалі беларускай песні і паэзіі "Маладзечна" 

1. Дадзеным Палажэннем вызначаецца парадак арганізацыі і правядзення Нацыянальнага фестывалю беларускай песні і паэзіі "Маладзечна"(далей – фестываль).

2. Арганізатарамі фестывалю з’яўляюцца Міністэрства культуры Рэспублікі Беларусь, Мінскі абласны выканаўчы камітэт, Маладзечанскі раённы выканаўчы камітэт, Дзяржаўная ўстанова “Заслужаны калектыў Рэспублікі Беларусь "Нацыянальны акадэмічны аркестр сімфанічнай і эстраднай музыкі Рэспублікі Беларусь" (далей – Нацыянальны акадэмічны канцэртны аркестр Беларусі), Нацыянальная дзяржаўная тэлерадыёкампанія Рэспублікі Беларусь (далей – Белтэлерадыёкампанія).

Фестываль праводзіцца штогод. Месцам правядзення фестывалю з’яўляецца г.Маладзечна.

3. Асноўнымі мэтамі фестывалю з’яўляюцца:

- адраджэнне, развіццё, папулярызацыя лепшых традыцый і дасягненняў нацыянальнай культуры і мастацтва, далучэнне да іх шырокіх слаёў грамадства;

- паказ дасягненняў у галіне музычнага, сцэнічнага, выяўленчага мастацтва, мастацкай літаратуры і паэзіі, народнай творчасці;

- павышэнне прафесійнага майстэрства ўдзельнікаў фестывалю, папулярызацыя нацыянальнага эстраднага музычнага мастацтва і "жывога" гучання на мерапрыемствах фестывалю;

- выяўленне і падтрымка таленавітай моладзі, развіццё яе творчых здольнасцяў і павышэнне ўзроўню выканальніцкага майстэрства;

- эстэтычнае выхаванне насельніцтва.

4. Для ажыццяўлення кіраўніцтва падрыхтоўкай і правядзеннем фестывалю ствараецца пастаянна дзеючы арганізацыйны камітэт па падрыхтоўцы і правядзенні фестывалю (далей – аргкамітэт), у склад якога ўваходзяць прадстаўнікі дзяржаўных органаў і іншых зацікаўленых арганізацый, якія ўдзельнічаюць у правядзенні дадзенага фестывалю.

Склад аргкамітэта зацвярджаецца Прэзідэнтам Рэспублікі Беларусь.

5. Аргкамітэт фестывалю:

- ажыццяўляе непасрэднае кіраўніцтва падрыхтоўкай і правядзеннем фестывалю, стварае дырэкцыю фестывалю;

- вызначае тэрміны правядзення фестывалю;

- разглядае і зацвярджае праграму правядзення фестывалю, спіс яго ўдзельнікаў і план мерапрыемстваў па падрыхтоўцы і правядзенню фестывалю;

- пры неабходнасці зацвярджае фестывальную сімволіку фестывалю, узоры ўзнагарод, іншую яго атрыбутыку;

- разглядае пытанні фінансавання мерапрыемстваў фестывалю;

- ажыццяўляе ўзаемадзеянне з зацікаўленымі па пытаннях падрыхтоўкі і правядзення фестывалю і яго інфармацыйнага асвятлення ў сродках масавай інфармацыі;

- вызначае віды і формы інфармацыйна-рэкламнай падтрымкі фестывалю;

- вырашае іншыя пытанні, якія ўзнікаюць падчас падрыхтоўкі і правядзення фестывалю.

6. Дырэкцыя фестывалю:

- забяспечвае выкананне мерапрыемстваў па падрыхтоўцы і правядзенню фестывалю;

- рыхтуе прапановы па праграме правядзення фестывалю;

- уносіць прапановы па каштарысу выдаткаў на арганізацыю і правядзенне фестывалю, колькасці запрашальных білетаў для яго ўдзельнікаў;

- вырашае іншыя пытанні, якія ўзнікаюць падчас падрыхтоўкі і правядзення фестывалю.

7. Праграма фестывалю ўключае канцэрты вядучых калектываў прафесійных, непрафесійных (аматарскіх) і аўтэнтычных фальклорных калектываў мастацкай творчасці Рэспублікі Беларусь і выканаўцаў розных жанраў і накірункаў.

8. У рамках фестывалю праходзіць Нацыянальны конкурс маладых выканаўцаў беларускай эстраднай песні.

9. Фінансаванне падрыхтоўкі і правядзення фестывалю ажыццяўляецца за кошт:

- сродкаў, якія прадугледжваюцца ў рэспубліканскім і мясцовых бюджэтах на правядзенне цэнтралізаваных мерапрыемстваў;

- бязвыплатнай (спонсарскай) дапамогі, якая прадастаўляецца ў парадку, прадугледжаным заканадаўствам Рэспублікі Беларусь;

- іншых крыніц, не забароненых заканадаўствам Рэспублікі Беларусь.

10. Белтэлерадыёкампанія ажыццяўляе інфармацыйнае забеспячэнне мерапрыемстваў фестывалю.