Спектакль “Шукаю сапраўднага мужчыну”
09.06.20239 чэрвеня (18.00)
Спектакль “Шукаю сапраўднага мужчыну”
Для тых, хто захапляецца тэатрам, увазе будзе прадстаўлен спектакль “Шукаю сапраўднага мужчыну” па п’есе драматурга Алены Паповай.
На сцэне Мінскага абласнога драматычнага тэатра ў 18 гадзін разгорнецца гісторыя аб тым, як галоўная гераіня Паэтэса, жанчына неардынарная і летуценная, жыве ў прыдуманым свеце, піша ў сваё задавальненне вершы і абсалютна ігнаруе бытавыя рэаліі. Менавіта гэтая акалічнасць і не дае супакою яе старадаўняй Сяброўцы, якая загарэлася жаданнем знайсці для Паэтэсы “сапраўднага мужчыну”, які зрабіў бы яе жыццё “як ва ўсіх нармальных людзей”. Вось тут і выяўляецца прыкрыты аўтарскай іроніяй канфлікт узнёслага з прыземленым. Практычная Сяброўка ўладкоўвае на кватэры летуценніцы штосьці накшталт мужчынскага “кастынгу” на сапраўднага мужчыну.